呢樣野我真係從來都無諗過.  的確, 同人比學歷嘅話, 一開始就註定失敗, 因為家下我連high dip. 都未到手, 年紀亦唔細.  能力嘅話如果唔係技術為主嘅行業, 無學歷連埋一齊跟本都變得無價值, 家下d老細多數係睇學歷而唔係睇能力, 更何況能力嘅野唔會咁易係interview睇到, 除非老細要嘅係水怪(吹水嘅能力).

老實講, 做化粧呢家野我只會當興趣玩下, 當成一份工黎做我一d興趣都無, 因為我個人太直, 又唔識刷鞋, 就算有技術都只會攪到自已無生意, 性格決定命連嘛!

雖然無諗過, 但唔知點解硬係好在意呢句說話.  能力呀! 我一直都覺得自己有, 只係去到今時今日, 要阿sir幫手先可以搵到工, 仲要係第二行, 一切要從頭開始都唔係問題, 問題係眼見同期嘅兩位同事, 一個本科畢業, 一個讀緊本科又有經驗, 我開始問自己: 究竟我係度做乜呢?

坦白講, 我的確比較鐘意做account多d, 但係我對account呢行又真係好灰好失望.  家陣做呢行又覺得唔係咁啱自己.  雖然, 我點都會繼續做住先, 因為就快又要交學費, 加上唔想浪費左阿sir幫我嘅好意, 亦唔想浪費左家陣教我做野嘅同事嘅心機.  但係繼續咁落去我又可以點呢? 讀完呢個course就要決定, degree我應該唔會夠錢讀, 考牌嘅話應該考番account related定係家陣做緊嘅呢行呢? 不過考得黎幾十歲年紀大又好難搵野做....... 話唔定, 同事講得啱, 我諗野太複雜啦!  似乎, 唔好諗咁多會好d, 點諗都唔會諗得掂架啦家陣.

你再打黎我會報警, 我好認真講俾你知!

(閱讀全文)

綿羊一號去完旅行買俾我嘅手信, 返到屋企等唔切溫書, 即刻就同娘親開左黎食.(註:朱古力係我嘅溫書補品, 大腦閉塞嘅靈藥)

有時簡單嘅野會令人好開心, 一份啱心水嘅禮物, 比起貴野更令人高興(當然啱心水=貴野時當然另當別論.....), 因為送禮物嘅人記得你嘅喜好(or需要), 而唔係將自己認為嘅野強加於你身上.  好似呢盒朱古力咁, 一號只係食牛奶朱古力唔食dark嘅, 所以, 多謝晒!  我會好快食晒佢架啦!

Les Miserables - 悲慘世界, 我一直唔明, 點解香港會譯"孤星淚", 慘嘅何止Cosette一個? 以前, 我好唔鐘意呢套劇, d劇情成套粵語殘片咁...... 果然係要有番咁上下經歷(年紀?!)先可以深入地感受得到佢嘅意思.

一個悲慘媽媽嘅夢, life has killed the dream I dreamed, 好中呢呢句, 只係有夢並唔可以生存, 現實係殘酷嘅, 有夢有能力有勇氣都要睇下你係邊度至得.  如果Susan Boyle係香港嘅話, 佢就算唱得點好都唔會有實現夢想嘅機會, 因為呢度係香港, 君不見只要有樣有運, 無腦無料唱到走晒音都可以出碟開演唱會, 更何況係一個其貌不揚仲要單身嘅47歲阿嬸? 所以, 唔好怪d人去整容, 有部份原因係環境迫成嘅.

好感動嘅表演, 觀眾同主持由卑視到讚嘆, 又有幾多成係因為Susan嘅外表談吐, 將佢定位太低所致呢? 佢簡呢隻歌, 又係咪想表達自己嘅諗法呢?

I dreamed a dream in time gone by
When hope was high,
And life worth living
I dreamed that love would never die
I dreamed that God would be forgiving.

Then I was young and unafraid
When dreams were made and used,
And wasted
There was no ransom to be paid
No song unsung,
No wine untasted.

But the tigers come at night
With their voices soft as thunder
As they tear your hopes apart
As they turn your dreams to shame.

And still I dream he'll come to me
And we will live our lives together
But there are dreams that cannot be
And there are storms
We cannot weather...

I had a dream my life would be
So different from this hell I'm living
So different now from what it seems
Now life has killed
The dream I dreamed.

案例一 

前幾日, 跟家姐一家返左大陸玩, 因為姐夫有屋.  點知一到步, 成區停電!  食蕉哥哥話係供電商通知故障.......  姐夫話: 我十幾年都未試過架喎!

好在6點幾整得返好. 

當黑指數2

案例二

一大堆人去食飯, 大家食埋同一堆野.  大人細路個個都無事, 剩係我一個因為肥膩得滯疴到九彩....... 話說當年我同朋友食埋同一碟飯, 朋友食到腸胃炎差d入廠, 我一d事都無的說.......

當黑指數3

案例三

搵左咁耐工, 一個interview都未有, 唔通因為我老?

當黑指數4

案例四

今日返學果陣, 同綿羊一號講緊電話, 唔知係咪天雨路滑踏到樹葉, 係樓梯度跣腳, 跌到成個人打直坐左係樓梯度(滑雪式跌法)........ 好彩無一真跣到落底, 更好彩係無直仆落去.  應該只係跌瘀左個八月十五同隻手, 証明到我雖然咖啡癮深, 但仲未去到骨質疏鬆嘅地步. 

當黑指數5

天呀! 我究竟做錯左d乜呀? 係嘅話我道歉啦! 唔好再玩啦!

睇得出佢地係一個好開心嘅家庭, 只係, 果位大叔有d可憐.  畢景大庭廣衆, 三唔識七, 咁樣俾老婆同個仔笑(雖然係善意嘅).  不過阿叔真係好野, 完全睇唔出佢情緒上有任何改變, 只係係我幫佢兜完之後, 同我地傾多左計, EQ之高, 的確值得學習.

我唔知呢位大叔做左幾耐會計, 點解呢個年紀, 仔大女大, 先至走去考LCCI.  我只係覺得, 終生學習呢樣野, 其實真係幾恐怖, 尤其係, 你唔係一個鐘意讀書, 又勁耐無讀書嘅人.  當全世界有嘅野你無, 就算幾唔想, 幾唔鐘意你都要去做, 為左保恃自己嘅競爭力, 係田都無得你犂嘅香港, 保住自己個飯碗, 考十次廿次三十次都要考到為止....... 雖然話全世界都係咁, 但我就係覺得咁樣好恐怖. 

後生果陣無錢讀, 年紀大左想讀又難左, 所以, 都係趁自己未老人痴呆到讀唔到, 快d做埋份功課, 溫埋d書先.  有時, 諗得太多, 真係無乜益架!

希望剩番嘅兩年都平安渡過, 唔駛補考, 唔駛retake, 唔駛交功課project就更好! (癲左)

雖然香港好細, 但係, 若果要見唔到嘅話, 真係坐埋同一間課室都可以睇唔到. 

呢科出奇地dip.同high dip.一齊上, 而我呢個同學同就係dip.果班度! 仲要係我地唔係係課室度相認, 而係係toilet度.  真係諗都無諗過, 成十幾廿年無見嘅人, 居然一見面就認得到...... 我到底應該開心丫? 定係傷心呢?

好奇怪嘅感覺, 當年我地係好好嘅朋友, 後來各有各忙, 加上大家升左上唔同嘅中學, 慢慢就失去聯絡, 家下見番, 感覺好奇怪, 又好親切.  但原來, 我地都無乜點變, 起碼, 佢一眼就認得出我, 我即刻就可以叫得出佢個名.

但係, 呢件小事令到我即時爆火反枱. 

有d野, 即使係小事, 但若果唔識尊重人嘅話, 而果件事會令人覺得不受尊重同被利用嘅話, 無論呢件事點小, 都會著火架係嘛?

唔好同我講係為我好, 呢d係用黎掩飾自己自私嘅借口黎, 自己點解會咁做, 心知肚明啦! 若果覺得我會拖累到你地, 出句聲咪得囉! 攪咁多野做咩? 我係咁唔識做人架啦, 真係對唔住啦!

件事係咁嘅:

話說, 麻煩嘅英文, 又要搵partner做conversation, 咁我地3個人突左一個出黎, 唔駛講, 呢個人一定係我(因為有得揀唔會揀我, 我明).  由於大家讀左咁耐, 大都有固定嘅partner, 好難搵第二個, 有d唔like嘅又唔想搵, 所以琴晚件事就不了了之.

咁今日好似平時咁返學, 本來好地地, 但因為聽到d不負責任(或者係太負責任啦, 真係多謝晒!)嘅話, 火左半堂.

同學k同我講: 我地幫你搵到partner啦! 係同學s啊!

我: 點解係佢?

同學k: 因為佢問囉!

我: 咁點解係我?

同學k: 因為你應付到佢嘛!

真係再次多謝晒! 點解要幫我應承人? 如果佢想搵我做partner, 佢自己點解唔同我講? 佢唔同我講係咪即係佢只係隨口問下, 或佢嘅target唔係我?

大家做左咁耐同學, 大家有咩問題心知肚明, 點解己所不欲郤施於人? 因為唔想果個係自己, 所以transfer俾人係最好嘅辦法? 果然係好辦法喎! 仲可以唔駛得罪人, 有功課要抄果陣有人可以借黎抄! 幫我應承又可以好心咁幫我呢d無人part嘅可憐人搵個partner, 仲可以唔駛累到自己, 真係一舉兩得!

你嘅好意, 我心領, 我會自己搵partner, 就算搵唔到都唔駛你操心, 就算要同全班最討厭果個part, 都唔駛你幫我安排, 仲要叫我reject嘅話自己同佢講?

由頭到尾都只係你inform我, 我乜都無做過, 點解要我自己解釋?

如果你真係咁好人, 咁點解你幫我應承人, 又唔幫我講返俾呢個人聽我reject呢?

呢d係尊重嘅問題下嘛?! 重有, 我從來無授權過你代言丫嘛?!

定係你認為大家好朋友到可以代表我做決定?

無錯, 之前你幫過我, 我好感激, 到左家下都仲係好感激. 但係咁唔代表你可以幫我渣主意同當人情下嘛? 家下大家咩關係, 自己知啦下嘛?

星期五考完試, 星期六就同阿妹去整頭, 身痕又走去電髮, 間野又陰d陰d咁加左價...... 不過無計, 我個頭好麻煩, 唔係個個都攪得掂, 呢d錢真係唔慳得!

我一向都唔係一個食得好甜嘅人, 因為體質嘅關係, 食得甜野多好容易會蛀牙.  早幾日因為凍同溫書, 所以係咁飲可樂, 熱朱古力同食糖(唔係講小, 一個星期就食左我平時3-4個月嘅份量).  今朝食brunch嘅時候, 覺得隻智慧牙前面隻牙有d酸...... 唉! 呢個時候發現蛀牙, 仲要係死角位喎! 雖然唔係蛀得深, 不過要補嘅話九成要剝左後要隻智慧牙先補到....... 唔知牙醫果度開始放假未呢! 其實我真係好驚佢退休唔做, 要搵過第二個咁好手勢又有良心嘅牙醫真係好難....... 講俾娘親聽, 唔知點解佢仲驚過我, 佢居然同我講可能會自己好番喎?! 蛀牙都會自己好番????? 又唔係佢要剝牙, 我都未驚佢仲驚過我........ 逃避唔係解決問題嘅辦法黎!

聽日打去牙醫度睇下, ok嘅話下晝又要請假去睇下咩環境....... 前果幾日我起左09年個盤出黎睇, 上一個血光隻智慧牙係車骨剝, 除左真係流血之外, 洗錢仲洗到一頸都係血...... 似乎, 今年未過年就已經見到呢個先兆, 中到應一應...... 但唔該, 可唔可以中d好野呢?

終於都出左exam schedule......1月中考試......家下努力係度煲passpaper.......今個sem.好大鑊, d test全部肥晒, 雖然呢d係上堂唔聽加上無乜點溫書就test嘅報應.......所以為左唔想retake, 之前做assignment嘅時候已經溫左d, 加上家下份temp. d野又七國咁亂, d人事又麻煩, 以呢個工作量同佢嘅混亂程度compare我家下個人工, 我又覺得我嚴重underpay........ 唉! 算把啦! 啱啱交完學費, 好窮呀!

雖然唔知道今次呢間盤數又會亂成點, 但佢講到明一個perm.位變兩個temp.黎執數, 之後留番一個係度轉perm., 仲要上晝in.完12點就打黎confirm返工, 仲要我聽唔到電話佢地留言俾我叫我星期一返工, 仲要我打返去佢地個電話打左打左兩日都無人聽....... 唔知點解, 呢d好似d不詳之兆咁, 好令人不安...... 你約interview都可以約錯時間, 咁會唔會打錯電話黎叫人返工呢? 你講到明兩個temp.留一個做perm., 而兩個temp.都係一齊執你盤爛數..... 咁會唔個有人因為想保住個飯碗而做埋晒d無聊野呢?

或者, 我真係諗得太多啦........

總之, 有d野真係好難解釋, 老細自己作嘅孽, 咪等佢自己同老神子解決番.  你唔信我剩係信阿老神子, 你咪信飽佢! 居然攪到俾auditor懷疑你盤數有問題, 前年嘅野都未搵掂, 幫你執你又要留難我...... 我做咁耐野, 都未試過一話唔做, 公司個auditor居然會打黎旁敲側擊左我幾個字, 問我係咪發現左d乜野要走....... 阿老細, 呢個責任會唔會大左dd呢?

阿老神子一句話佢唔係呢間公司嘅人就可以了事唔駛負責任, 但我唔得架喎! 但盤數我又無權執, 你又唔信我, 咁點解呢個責任要我負呢? 作為公司唯一一個account, 雖然係名義上嘅唯一一個, 話就話有事起上黎拉都係拉老細, 不過如果真係有事嘅話, 我真係可以置身事外? 有時d野, 唔係話忍下就無事, 如果只係激氣咁簡單, 搵人呻下當然可以算數.  但責任呢樣野, 如果可以話唔關我事就無事嘅話, 咁做人就可以唔駛諗咁多野.  有陣時, 就算你真係無辜都好, 黑起上黎真係乜野都有可能發生架!